દિવાળી પછી ભારતીય શેર માર્કેટમાં ફરી IPO ની ભરમાર આવી રહી છે. મહત્વની એવી કંપનીઝમાં એક નામ છે Pine Labs, જેનો IPO 7મી નવેમ્બરનાં રોજ પબ્લિક માટે ખુલ્લો મૂકાવાનો છે.
ડિજિટલ પેમેન્ટ અને ઇસ્યુઇંગ સર્વિસ પ્રોવાઇડર એવી Pine Labs આ IPO થકી 3899 કરોડ રૂપિયા એકત્ર કરવા ઇચ્છે છે. 1998માં સ્થપાયેલી આ ફિનટેક કંપની ગુરુગ્રામ સ્થિત છે, જેને સામાન્ય જનતા POS મશીન પ્રોવાઇડર તરીકે ઓળખે છે, જે ઘણી રેસ્ટોરન્ટ્સ, પેટ્રોલ પંપ્સ અને મોલ્સમાં જોવા મળે છે.
ભારત સિવાય Pine Labs હાલમાં UAE, સિંગાપોર, મલેશિયા તથા ફિલિપાઇન્સમાં પણ પોતાનો વેપાર વિસ્તારી ચૂકી છે, જે કંપનીની ક્ષમતા રજૂ કરે છે.
ત્યારે આ IPO વિશે કેટલીક મહત્વની અને બેઝિક ડિટેઇલ્સ જે રિટેલ ઇન્વેસ્ટરને કામ લાગી શકે:
કુલ બુક-બિલ્ડિંગ ઇસ્યુ 3899.9 કરોડનો છે, જેમાં 2080 કરોડ રૂપિયાનો ફ્રેશ ઇશ્યુ તથા 1819.9 કરોડનું OFS(Offer for Sale) છે.
પ્રાઇઝ બેન્ડ 210 થી 221 રૂપિયા પ્રતિ શેર રહેવાનો છે, જ્યારે એક લોટમાં 67 શેર્સ મળવાપાત્ર છે.
7મી નવેમ્બરનાં રોજ IPO ખુલશે, જે 11મી નવેમ્બરનાં રોજ બંધ થશે. એલોટમેન્ટ 12મી નવેમ્બરે થશે, જ્યારે એક્સચેન્જ પર 14મી નવેમ્બરનાં રોજ લિસ્ટ થશે.
મહત્વનાં ઇન્વેસ્ટર્સ: Sequoia Capital, Paypal અને Temasek Holdings જેવા મહત્વનાં ઇન્વેસ્ટર્સે Pine Labs માં પ્રાથમિક રોકાણ કર્યુ છે, જેમાંથી હાલ Paypal તથા Mastercard Asia/Pacific Pte. Ltd. OFS થકી પોતાનો હિસ્સો વેચી રહ્યા છે.
આ કંપનીનાં શેર્સને ગ્રે માર્કેટમાં સારો એવો પ્રતિસાદ મળી રહ્યો છે, જ્યાં હાલ 16% થી 17% પ્રિમીયમ દર્શાવે છે.
વર્તમાન રિપોર્ટ્સ અનુસાર કંપનીએ નાણાંકીય વર્ષ 2025માં કુલ 5.68 બિલિયન ટ્રાન્ઝેક્શન થકી 11,424.97 બિલિયન રૂપિયાનાં ગ્રોસ ટ્રાન્ઝેક્શન મેનેજ કર્યા છે.
Disclaimer: This news is solely for educational purposes. The securities/investments quoted here are not recommendatory.
