ભારતીય ટેલિકોમ કંપની ભારતી એરટેલે સોમવારે તેના કોન્સોલિડેટેડ Q2 નેટ પ્રોફિટની જાહેરાત કરી છે. આ રિપોર્ટ્સ અનુસાર 89% YoY વૃદ્ધિની જાહેરાત કરી, જે ₹6,792 કરોડ થયો છે, જે ગત વર્ષે આ સમયગાળામાં ₹3,593 કરોડ હતો.
કંપનીની આ ત્રિમાસિક ગાળાની ઓપરેશન્સમાંથી આવક ₹52,145 કરોડ રહી, જે ગયા નાણાંકીય વર્ષના સમાન ત્રિમાસિક ગાળાના ₹41,473 કરોડની સરખામણીમાં 26% વધારે છે.
એરટેલની કસ્ટમર દીઠ રેવન્યુમાં વધારો
એરટેલનું મોબાઇલ એવરેજ રેવન્યૂ પર યુઝર (ARPU) વધીને ₹256 થવા પામી છે, જે Q2FY25માં ₹233 હતી.
કંપનીના એક્સચેન્જ ફાઇલિંગમાં જાહેર થયેલી વિગતો મુજબ, 15 દેશોમાં કુલ કસ્ટમર બેઝ 624 મિલિયન રહ્યો છે.
મહત્વનું છે કે, આ ત્રિમાસિક ગાળામાં વ્યાજ, કર, અવમૂલ્યન અને ઋણમુક્તિ પહેલાંની કમાણી (EBITDA) ₹29,919 કરોડ રહી, જે ગયા વર્ષની સરખામણીએ 36% વધવા પામી છે, જ્યારે EBITDA માર્જિન 57.4% નોંધાયું છે.
એરટેલનો આફ્રિકા બિઝનેસ
મહત્વનું છે કે, એરટેલ આફ્રિકાનો ગ્રાહક બેઝ 30 સપ્ટેમ્બર, 2025ના રોજ 174 મિલિયન રહ્યો. આ સાથે જ તેની કુલ આવક 24.2% YoY વધી અને EBITDA માર્જિન 48.8% નોંધાયું, જે ગયા વર્ષ કરતાં 238 bps વધુ છે. આફ્રિકા બિઝનેસમાં આ ત્રિમાસિક ગાળાનું કેપિટલ એક્સપેન્ડિચર ₹1,719 કરોડ રહ્યું.
ભારતમાં એરટેલનું સ્થાન
મહત્વનું છે કે, ઓક્ટોબર 2025 અંત સુધીમાં એરટેલની માર્કેટ વેલ્યુ 12,33,189 કરોડ રૂપિયા હતી, જે Vodafone Idea કરતાં લગભગ 12 ગણી છે. આનાથી કંપનીની સ્ટ્રેન્થનો અંદાજ લગાવી શકાય છે.
