અમેરિકા સહિત વિશ્વનાં ઘણાં રાજકીય નિષ્ણંતોનાં મત મુજબ ટ્રમ્પ સરકારની નીતિઓની અસર લાંબાગાળે અમેરિકાની ઇમેજ પર ઘણો મોટો પ્રભાવ પાડશે, જે મહદ્અંશે નકારાત્મક હશે.
ધ ઇકોનોમિસ્ટ અનુસાર, ડોનાલ્ડ ટ્રમ્પની કાનૂની મુશ્કેલીઓ વચ્ચે પણ વધી રહેલી રાજકીય અસરને કારણે અમેરિકાની વિદેશ નીતિ ખાસ કરીને યુરોપ અને યુક્રેન મુદ્દે ગેરસમજ સર્જી રહી છે.
ફાઇનાન્શિયલ ટાઇમ્સની મુખ્ય હેડલાઇન આ ગોટાળાનું જીવંત ચિત્ર આપે છે: જિનીવામાં યોજાયેલી એક બેઠક દરમિયાન ટ્રમ્પના પ્રતિનિધિઓ અને યુરોપિયન નેતાઓ વચ્ચે યુક્રેન માટેના અમેરિકન શાંતિ પ્રસ્તાવને લઈને ખુલ્લી અથડામણ થઈ.
યુરોપીયન રાજદૂતોએ અમેરિકાની સ્થિતિને “messy” તરીકે વર્ણવી, જે પશ્ચિમના મુખ્ય ગઠબંધનો વચ્ચે વધતી તણાવની નિશાની છે.
આ યુરોપ માટે અત્યંત સંવેદનશીલ સમય છે. રશિયાની યુક્રેન સામેની લડાઈ ચાલુ છે, ચીનનું ઔદ્યોગિક નિયંત્રણ મજબૂત થઈ રહ્યું છે અને યુરોપના અનેક દેશોમાં રાજકીય અશાંતિ વધી રહી છે. આવા સમયમાં અમેરિકાના અસ્થિર સંકેતો યુરોપના જોખમોને વધુ ગંભીર બનાવે છે.
ધ ઇકોનોમિસ્ટ જણાવે છે કે યુ.એન. સુરક્ષા પરિષદ જેવી વૈશ્વિક સંસ્થાઓને પણ અમેરિકાની અનિશ્ચિત પ્રાથમિકતા સાથે તાલ મિલાવવો પડે છે. ત્યારે શું આ પરિસ્થિતિ અન્ય દેશોનાં અમેરિકન સાથેનાં સંબંધો પર અસર પાડશે?
