મ્યુચ્યુઅલ ફંડમાં છેલ્લાં ઘણાં સમયથી સેક્ટર આધારિત ફંડ પર વિવિધ કંપનીઓ ફોકસ કરી રહી છે. આ વચ્ચે રિલાયન્સની Jio Financial Services અને અમેરિકાની અગ્રણી એસેટ મેનેજમેન્ટ કંપની Blackrock વચ્ચેની સંયુક્ત ભાગીદારી Jio Blackrockએ તેના નવા સ્કીમ—JioBlackrock સેક્ટર રોટેશન ફંડ—માટેનું Scheme Information Document (SID) રજૂ કર્યું છે.
આ ઓપન-એન્ડેડ થીમેટિક ઇક્વિટી સ્કીમનો ઉદ્દેશ લાંબા ગાળે મૂડીવૃદ્ધિ પ્રાપ્ત કરવાનો છે, જેમાં બજારચક્ર, મૂલ્યાંકન અને મૅક્રો સિગ્નલના આધારે વિવિધ સેક્ટરો વચ્ચે સતત રોટેશન કરવામાં આવશે.
SID મુજબ, આ ફંડને ‘ખૂબ ઊંચા જોખમ’ ધરાવતી થીમેટિક સ્કીમ તરીકે વર્ગીકૃત કરવામાં આવ્યું છે અને તે ભારે પ્રમાણમાં મશીન લર્નિંગ મોડલ્સ, ક્વાન્ટ રિસર્ચ અને Blackrockની વૈશ્વિક સ્તરે જાણીતી Aladdin ટેકનોલોજી પર આધાર રાખશે.
અત્યાર સુધી Jio Blackrock નાં વિવિધ ફંડમાં આ પ્રથમ સક્રિય થીમેટિક ફંડ છે—આ પહેલા તેમણે માત્ર ઇન્ડેક્સ આધારિત પેસિવ ફંડ લોન્ચ કર્યા હતા.
ડેટા-ચલિત ઈન્વેસ્ટમેન્ટ સ્ટ્રેટેજી
આ ફંડનો આધાર પાંચ મુખ્ય ઈન્વેસ્ટમેન્ટ સિગ્નલ પર છે: મૂલ્યાંકન, વૃદ્ધિ અને ગુણવત્તા, મોમેન્ટમ, મૅક્રો ઇકોનોમિક્સ અને એનાલિસ્ટ સેન્ટિમન્ટ.
આ બધા સિગ્નલ મળીને કઈ સેક્ટર આગામી ચક્રમાં આઉટપરફોર્મ કરી શકે તેનું અનુમાન આપે છે અને તેની આધારે પોર્ટફોલિયો રિબેલન્સ થશે, તેવું જણાવવામાં આવ્યું છે.
દસ્તાવેજમાં દર્શાવ્યા મુજબ, ટીમ “બિગ ડેટા એનાલિસિસ, મશીન લર્નિંગ ફોરકાસ્ટ્સ અને સેક્ટર ટાઈમિંગ ટૂલ્સ”નો ઉપયોગ કરીને ડાયનેમિક ફાળવણી કરશે. ફંડ મુખ્યત્વે ઇક્વિટી પર આધારિત રહેશે, પરંતુ તેને ડેરિવેટિવ્ઝમાં 50% સુધી અને સિક્યોરિટીઝ લેન્ડિંગમાં 20% સુધી જવાની મંજૂરી છે.
અનુભવી ફંડ મેનેજરો
સ્કીમનું સંચાલન તન્વી કચેરીયા (CFA) અને સાહિલ ચૌધરી સંયુક્ત રીતે કરશે. બંને મેનેજર Blackrockની ગ્લોબલ સિસ્ટમ અને ક્વાન્ટ આધારિત પદ્ધતિઓ સાથે કાર્ય કરવાનો અનુભવ ધરાવે છે. તેમની વિશેષતા અને ટૂલ-ડ્રિવન અભિગમ આ નવા ફંડનાં મૂલ્યાંકનો મજબૂત બનાવે છે.
કોણે આ ફંડ પસંદ કરવું જોઈએ?
આ ફંડ ખાસ કરીને એવા રોકાણકારો માટે યોગ્ય છે:
- જેમની જોખમ ક્ષમતા ઊંચી છે
- બજાર ચક્ર અને થીમેટિક ઈન્વેસ્ટિંગ સમજતા હોય
- એ.આઈ./મશીન લર્નિંગ આધારિત ક્વાન્ટ સ્ટ્રેટેજી અપનાવવા ઇચ્છતા હોય
- લાંબા ગાળાનું રોકાણ કરવા માંગતા હોય
Jio Blackrockના આ નવા લોન્ચ સાથે, ભારતની મ્યુચ્યુઅલ ફંડ ઈન્ડસ્ટ્રી AI સંચાલિત અને ડેટા-આધારિત પોર્ટફોલિયો મેનેજમેન્ટ તરફ એક મોટું પગલું ભરે છે.
રિટેલ રોકાણકારો માટે આ આધુનિક ટેકનોલોજી આધારિત પદ્ધતિઓનો અનુભવ મેળવવાની મહત્વપૂર્ણ તક છે.
અસ્વીકરણ: આ સમાચાર ફક્ત માહિતી માટે છે અને તે કોઇપણ પ્રકારનાં રોકાણ તરફ નિર્દેશિત નથી.
