અમેરિકન ટેરિફ અને વિવિધ યુદ્ધોને કારણે યુરોપમાં એક આર્થિક અનિશ્વિતતા જોવા મળી રહી છે. આ કારણે યુરોપની વિવિધ બેંક દ્વારા રોકાણકારોને આકર્ષવા માટે મોટાપાયે બાયબેક કરી રહી છે.
ફાઇનાન્શિયલ ટાઇમ્સ મુજબ, ગયા વર્ષમાં બેંકોએ €21.5 અબજના શેર બાયબેક કર્યા, જે 2008 બાદના સૌથી ઊંચા આંકડાઓમાંથી એક છે.
FT દર્શાવે છે કે બેંકોના મૂડી ગુણોત્તર મજબૂત હોવા છતાં રોકાણકારોમાં વિશ્વાસ ઘટી રહ્યો છે. યુરોઝોનની આર્થિક ગતિ ધીમી પડી રહી છે અને ડિફૉલ્ટ વધવાની શક્યતા છે, તેથી બેંકો બાયબેક દ્વારા શેરની કિંમત સ્થિર રાખવાની કોશિશ કરી રહી છે.
આ પરિસ્થિતિને પગલે હવે સૌથી વધુ દબાણ નેટ ઇન્ટ્રેસ્ટ પર જોવા મળી રહ્યું છે. બે વર્ષ વ્યાજદર વધારા પછી મળેલા ફાયદા હવે ઘટી રહ્યાં છે, કારણ કે ડિપોઝિટ ખર્ચ વધી રહ્યા છે અને લોનની માંગ નરમ પડી રહી છે. FT મુજબ, આ દબાણ 2026 સુધી રહી શકે છે જો સુધી વ્યાજદર કાપ ન થાય.
બીજી તરફ, જીઓપોલિટિકલ જોખમ, AI આધારિત સાઇબર નિયમો અને કોમર્શિયલ પ્રોપર્ટી સેક્ટરનાં જોખમોએ રોકાણકારોને વધુ સાવચેત બનાવ્યા છે.
પરિણામે, યુરોપની બેંકો “અનિશ્ચિતતાને નાણાંથી ખરીદવા” જેવી સ્થિતિમાં છે – જે તે ઉચ્ચ ડિવિડન્ડ અને ભવ્ય બાયબેક સાથે કરી રહી છે. પરંતુ નિષ્ણાંતો ચેતવે છે કે આવા પગલાં માત્ર ટૂંકા ગાળાની લેવડદેવડ સુધારી શકે છે, પરંતુ સમસ્યાઓનાં મૂળને ઉખાડી નહીં શકે. જેવી કે ધીમી અર્થવ્યવસ્થા, ફિનટેકની ભારે સ્પર્ધા અને 2008 પછીનું લાંબો સમય ચાલેલું અવિશ્વાસ, એ લાંબાગાળાની અસરો છોડશે.
ટૂંકા ગાળે શેરને ટેકો મળી શકે. પરંતુ લાંબા ગાળે, યુરોપની બેંકોને પોતાને પૂછવું પડશે: શું માત્ર નાણાં પાછાં આપવાથી વિશ્વાસ પાછો આવશે?
